Ертөнцийн гүнрүү 1000 бээр

Ертөнцөөр физикийн хуулинд захирагдахгүй дураараа нисэн дүүлэх боломжтой байсан бол яаж бидэнд харагдах бол? Ямар байхыг хамгийн бодитоор дүрсэлж буй доорх бичлэгийг Слоан тэнгэрийн самналтын хамгийн сүүлд нийтэд ил болгосон 400,000 галактикийн хэмжилтүүд дээр үндэслэн бүтээсэн юм. Уг бичлэг дээрх толбо бүр нь дотроо хэдэн зуун тэрбум оддыг агуулж буй манай сүүн зам шиг бие даасан галактикууд ба тэдгээрийн дүрс болон байршил нь тус тэнгэрийн самналтын хэмжилтүүдээс шууд авагдсан аж. Тэдгээрийн байршилыг нь анхааралтай анзаарвал галактикууд нь хаа сайгүй замбараагүй байрласан байх бус харин зөгийн үүр шиг зурвас зурвас хэсгүүдээр бөөгнөрөн орших ба тэдгээр зурвасуудын хооронд нь бараг юу ч байхгүй хоосон орон зайнууд байгааг, мөн зурвасууд хоорондоо нийлэх хэсэгт илүү олноороо бөөгнөрсөн байдалтай байгааг нь харж болно:

Бичлэг нь манай галактиктай харьцангуй ойрхон орших аврага том галактикийн бөөгнөрөл дундуур нисэж эхлэх ба цаашлаад Слоан тэнгэрийн самналтын хэмжиж бүртгэсэн биднээс ойролцоогоор 1.5 тэрбум гэрлийн жилийн зайд орших галактикуудын дундуур тойрон эргэлдэж байгаа юм. Хэдий энэ бичлэг дээрх хэсэг нь маш том аврага орон зай мэт боловч хамгийн алсын биет биднээс ойролцоогоор 1.3 тэрбум гэрлийн жилийн зайд байгаа (ертөнц 13.7 тэрбум жилийн настай), тиймээс үнэндээ энэ нь бидний харж чаддаг ертөнцийн маш өчүүхэн хэсэг юм.

Иймэрхүү том хэмжээний судалгаагаар олон тооны галактикуудын байршил болон хөдөлгөөнийг нь нарийн хэмжих бололцоотой бөгөөд, одоогийн бидний хэмжилтээс харвал ертөнцөд бидэнд харагдах их хэмжээний материэс гадна бидэнд харагдахгүй хар матери болон хар энерги маш элбэг байгаа нь тодорхой байна.

Advertisements

One comment

  1. gaihaltai*2

Хариулт үлдээх

Fill in your details below or click an icon to log in:

WordPress.com Logo

You are commenting using your WordPress.com account. Log Out / Өөрчлөх )

Twitter picture

You are commenting using your Twitter account. Log Out / Өөрчлөх )

Facebook photo

You are commenting using your Facebook account. Log Out / Өөрчлөх )

Google+ photo

You are commenting using your Google+ account. Log Out / Өөрчлөх )

Connecting to %s

%d bloggers like this: